Бар асоси асноди маҳрамонае, ки дар расонаҳои амрикоӣ мунташир шуда, мақомоти аршади Амрико ҳақоиқ перомуни ҷанг дар Афғонистонро пинҳон мекунанд.
Вашингтон пост аввалин расонае буд, ки аснод маҳрамонаи марбут ба ҷанги номувафақи Ветнам мунташир карда буд, ин бор низ асноди махфии Афғонистонро, ки аз сол 2002 ба ишғоли Америка даромада аст ба даст овардааст.
Асноди маҳрамона фош кард, ки Амрико дар Афғонистон номувафақ будааст. Ин санади 2000 сафҳаии бадастомада шомили мақомот, генералҳо ва дипломатҳоӣ аст, ки нақши мустақиме дар ҷанги Афғонистон доштаанд.
Беш аз 400 нафар аз ин афрод гуфтаанд, ки авзоъ дар Афғонистон ба хубӣ пеш намеравад ва Иёлоти муттаҳида дар як ботлоқ гир афтодааст.
Дар асноди мазкур омадааст, ки Доглос Лут, раис мизи Афғонистон дар Кохи сафед дар замон руасои ҷумҳур Ҷорҷ Буш ва Барак Обама тасреҳ кардааст: мо аз дарки Афғонистон ба дур будем. Мо намедонистем, ки чӣ коре анҷом медиҳем.
Аксари мақомот хотирнишон карданд, ки стратегияи Иёлоти муттаҳида дар ҳоли ҳозир дар Афғонистон иштибоҳ аст ва мақомот онро медонанд, аммо барои умум ифшо намекунанд.
Сарҳанг Боб Кроули, мушовири аршади нерӯҳои амрикоӣ дар заминаӣ мубориза бо терроризм дар Афғонистон дар сол 2013-2014 тасреҳ кардааст: тамом додаҳо барои нишон додани беҳтарин тасвир тағйир кардаанд. Ба унвони мисол , назарсанҷиҳо комилан ғайриқобили эътимод буданд.
Бар асоси оморҳои расмӣ, 934 то 978 миллиард доллар барои ин ҷанг ҳазина шудааст. Бар асоси додаҳои Пентагон, аз соли 2001 то кунун 775 ҳазор сарбози амрикоӣ дар Афғонистон хидмат кардаанд. 2 ҳазору 300 нафар аз онҳо кушта шуданд, 20 ҳазору 589 нафар низ захмӣ шуданд.