Бонкии марказии Русия, аз натиҷаи як санҷиши асъорӣ хабар дода гуфтааст, дар соли 2016 пули сомонии Тоҷикистон дар баробари доллар 10,4 дарсад қурби худро аз даст дод .
Аз авоили соли 2016 пули сомонӣ ба аз даст додани қурби худ оғоз карда вале бо тадбирҳои сахтгиронаи Бонки миллии Тоҷикистон то охири сол аз уфти зиёди қадри пули сомонӣ ҷилавгирӣ шуд .
Имрӯзҳо ҳар доллар дар бонкҳои Тоҷикистон ба қиммати 7 сомониву 88 дирам то 7 сомониву 90 дирам хариду фурӯш мешавад .
Ин дар ҳолест, ки Бонки миллии Тоҷикистон дар пайи болоравии қурби доллар барои ҳифзи қурби пули сомонӣ дар асоси дастурамал, аввоили соли 2016 тамоми нуқтаҳои мубодилаи асъор ё саррофиҳоро баста, амалиёти хариду фурӯши асъори хориҷиро танҳо дар хазинаҳои марказҳои хизматрасонии бонкӣ, филиалҳо ва саридораҳои ташкилотҳои қарзӣ роҳандозӣ намуд.
Соли сипаришуда арзиши суми пули миллии Узбекистон низ дар баробари доллар 16 дарсад коҳиш ёфтааст .
Қурби суми Узбекистон аз 2 ҳазору 810 сум барои ҳар доллар дар аввали январи соли 2016 ба 3 ҳазору 232 сеюм дар аввали январи соли 2017 расидааст .
Гуфта мешавад, дар соли 2016 қурби пули миллии Қазоқистон, Қирғизистон ва рубли русӣ дар баробари доллар афзоиш ёфта манати Туркманистон низ дар баробари доллар арзиши худро ҳифз кардааст .