Гузориши як созмони кӯмакрасонӣ нишон медиҳад, ки наздик ба 10 ҳазор кӯдаки шаҳрванди 40 кишвари ҷаҳон, аъзои гурӯҳи ҷангҷӯи Давлати исломӣ ҳамчунон дар кампи шимоли шарқии Сурия, саргардон ҳастанд.
Бештари ин кӯдакон, ки 50 дарсади онҳо синни камтар аз 5 сол доранд, дар ҳоли ҳозир дар урдугоҳи “Алҳавл” воқеъ дар вилояти Алҳасака ҳастанд ва шароити душвори ин камп заминаи муносиб барои ҳидояти ин кӯдакон ба самти ифротгариро фароҳам кардааст.
Яке аз мамониятҳои қонунии бозгашти ин кӯдакон ба кишварашон, ин аст, ки ҷудо кардани ин кӯдакон аз модаронашон, ки дар ин урдугоҳ ба сар мебаранд, нақзи ҳуқуқи башари байналмилалӣ аст ва гузашта аз он бисёре аз кишварҳо бо бозгашти аъзои гурӯҳи ҷангҷӯи давлати исломӣ мухолифат кардаанд.
Бархе аз ин модарони ДОИШ-ӣ аз ҳуқуқи модарии худ гузаштаанд то ба фарзандонашон иҷозаи бозгашт ба зиндагии оддӣ дода шавад, аммо бархе дигар аз онҳо ҳамчунон вафодории худ ба ДОИШ-ро ҳифз карда, дар интизори эҷоди “Хилофати исломӣ” ҳастанд ва кӯдакони худро насли ҷадиди ДОИШ медонанд ва хоҳиши ба бозгашт ба кишварашон надоранд.
Бархе сокинони урдугоҳ низ гуфтаанд, ки шуморе аз ин модарон аз кампи мазкур, ки тавассути афроди мусаллаҳи Курд мудирият мешавад, фирор кардаанд.