Имсол дар вилояти Суғд ду шаҳр ҳамчун «шаҳри саноатии миллиардер» ба қайд гирифта шудаанд. Инҳо шаҳри Гулистон, ки аз ҷониби коргоҳҳои саноатии он дар давоми 11 моҳ ба маблағи 1,9 млрд ва шаҳри Панҷакент, ки ба андозаи 1,1 млрд сомонӣ маҳсулоти саноатӣ истеҳсол шудааст, мебошанд.
Дар инбора АМИТ “Ховар” хабар нашр кардааст.
Ба иттилои манбаъ, дар 11 моҳи соли равон ба саноатчиёни вилояти Суғд муяссар гардид, ки истеҳсоли маҳсулоти саноатиро ба 6,2 млрд. сомонӣ расонанд. Ин нишондиҳанда нисбат ба ҳамин давраи соли қаблӣ 2 млрд сомонӣ зиёд буда, бо нархҳои амалкунанда ба 147,5 фоиз ва бо назардошти индекси нархҳо ба 139,1 фоиз баробар мебошад.